柏迪都嘴！耶马惊天金球一年前已经有过预演

劲爆体育2024欧洲杯：当地时间七月十日媒体消息，西班牙神童拉明耶马喺欧国盃锋芒毕露，4强对法国轰入嘅惊天金球，令全球球迷为之惊嘆。

就连因伤坐后备席嘅柏迪都被影到睇到「O嘴」，原来耶马呢个入波，喺1年前嘅U17欧国盃已经出现过，当时又系4强、对手又系法国，歷史重演！

西班牙今场率先落后，展开急攻但未能突破法国防缐，直至耶马右路扣大位左脚轰入世界波，先为西班牙吹起反胜号角。

上场重伤嘅柏迪见到佢嘅巴塞隆拿队友入靓波，忍唔住双手抱头，摆出「O嘴」表情，相信唔少球迷都有相同反应。

耶马呢个入波绝非撞彩，佢喺上年5月U17欧国盃4强对法国入波，过程就同今场世界波非常相似。

同样系右路拎波后推入中间，再用左脚轰入死角，唔同嘅系当时西班牙反输1比3，今次耶马入波之馀仲成为赢家，杀入欧国盃决赛。

延伸阅读：

• 德国有信心成为 2024 年欧洲杯冠军的有力争夺者
• 皮利斯：法国将会找到对付西班牙的赢波方法